Di kampung kita ni nang larang tu dua haja, pamulaan jujuran & nang kadua sinyal. Amun nang numur satu bila kita rajin bausaha insyaAllah lakas haja tapabini tapi amun nang kadua ni ngalih banar, saurang kawa haja manukar sinyal tapi urang bajual kadada. Hari ini admin handak sadikit babagi tips gasan pian-pian nang hidup di kampung kada basinyal tapi handak jua marasai intirnitan.
Pamulaan nang harus pian sadiaakan adalah antina yagi lawan tihangnya, banyak bajual online. Antina ni baisi kagunaan gasan manangkap sinyal, jadi amun sinyal di kampung pian pinda ngalih pakai antina kawa bagus.
Nang kadua sadiaakan mifi alias modem wifi, amun di pasaran nang tup ngarannya bolt! Ada jua mirik lain, tapi Admin pakai bolt! Nang sudah unlock alias kawa dipakai kartu salain bolt.
Amun sudah nintu langsung pasang antina yagi, biasanya dihujung kabelnya antina yagi tu ada "lempengan besi" nang gasan ditikap ka mifi bolt!. Putar ampah antina 360 darajat sampai kira-kira tadapat dimana ampah sinyal nang baik. Amun sudah dapat sinyal jarat pisit-pisit supaya kada takitar/ taputar lagi ampahnya. Cubai kunikakan ka hapi/ liptup, pas hajakah kada.
Saran ulun pakai kartu nang murah haja, sakali pakai buang misalnya kartu 3. Tapi biasanya amun pakai mifi standart paling 5 jam habis batrai, amun handak tahan saharian cubai pakai fake baterai alias batrai palsu nang sudah banyak dijual online kira-kira harganya 25 ribuan, jadi tahan bacucukan ka listrik hidup saharian.
Jadi kurang labih parlu:
1. Antina yagi
2. Mifi bolt!
3. Kartu tri
4. Batrai fake
Ilustrasinya dibawah ni nah supaya nyaman dipahami....
